Astana Motors құрамындағы OMODA және JAECOO ресми дистрибьюторы брендтің екі жаңа моделінің бағасын атады. Шағын көлемді JAECOO J5 кроссовері 9 490 000 теңге, қосылатын гибридті JAECOO J7 PHEV — 12 790 000 теңге бағасымен қолжетімді болады. Екі модель де ең жоғарғы жинақтамада ұсынылған. Автокөліктерге кепілдік қайсысы бұрын болатынына байланысты 5 жылды немесе 150 000 км жүрісті құрайды.
Модельдер Алматыдағы Astana Motors Manufacturing Kazakhstan мультибрендті зауытында шығарылады және көлік құралының типін мақұлдауды (КҚТМ) алды. J7 PHEV шығуымен кәсіпорын гибридті автокөліктер өндірісін дамытуды жалғастыруда: олармен жұмыс істеу үшін инфрақұрылым бейімделді, сапаны бақылау жүйесі күшейтілді және жоғары вольтті компоненттер бойынша мамандар даярланды.
«JAECOO J5 және J7 PHEV бағаларын жариялау — біздің жаңа модельдерімізді Қазақстанда іске қосудың маңызды кезеңі. Біз заманауи өнімді, жергілікті өндірісті және тартымды бағаны үйлестіре отырып, нарық үшін бәсекеге қабілетті ұсыныс қалыптастыруға тырыстық. Қазір автокөліктерді дилерлерге жөнелту басталуда, ал жақын арада клиенттер жаңа өнімдермен тікелей дилерлік орталықтарда таныса алады», - деп атап өтті Александр Абрамов, Қазақстандағы OMODA және JAECOO дистрибуциясының директоры.
Жаңа JAECOO J5. Фото: Astana Motors баспасөз қызметі
JAECOO J5
JAECOO J5 — мәнерлі дизайнды қалалық көліктің ыңғайлылығымен үйлестіретін бренд желісіндегі ең жинақы кроссовер. Ұзындығы 4 380 мм және дөңгелек базасы 2 620 мм бола тұра, ол жұмысқа барудан бастап демалыс күндері отбасылық сапарларға дейінгі күнделікті бағыттарға тамаша сәйкес келеді.
Модель қос іліністі 6 сатылы роботтандырылған беріліс қорабымен (6DCT) бірге жұмыс істейтін қуаты 147 а. к. 1,5 литрлік турбокомпрессорлы қозғалтқышпен жабдықталған.
Қазақстанда JAECOO J5 Luxury жинақтамасында ұсынылған. Жүргізушінің алдында 8 дюймдік сандық комбинация аспаптар тақтасы орналасқан, ал салонның орталық орнын диагоналі 13,2 дюйм болатын тік мультимедиалық экран алады. Apple CarPlay және Android Auto қолдауы смартфонның үйреншікті қолданбаларын автокөлік экранында пайдалануға мүмкіндік береді.
Екі аймақты климат-контроль жүргізуші мен алдыңғы жолаушыға қолайлы температураны таңдауға мүмкіндік береді, ал алдыңғы орындықтар мен руль жылытқышы әсіресе салқын мезгілде қажет болады. Күнделікті ыңғайлылық үшін жылдам зарядталатын USB-C ағытпасы және жүксалғыш есігінің электр жетегі қарастырылған.
Әзірлеушілер үй жануарлары иелерінің жайлылығына ерекше назар аударды. Олар үшін барлық жағдай жасалған – салон әрлемесі оңай тазаланады, тырнақ іздеріне төзімді, көпдеңгейлі ауа тазарту жүйесі мен климат-контроль бар. Салон материалдары халықаралық TÜV pet-friendly сертификаттауынан өтті. Әзірлеушілер JAECOO J5-ті үй жануарларымен саяхаттауға арналған ең мұқият ойластырылған автокөлік ретінде айқындайды.
Гибридті JAECOO J7 PHEV
J7 PHEV электрмобиль мен бензинді кроссовердің мүмкіндіктерін үйлестіреді. Электрлік тарту күшінде модель 91 км-ге дейін жүре алады, ал жалпы жүріс қоры 1 200 км-ден асады (өлшеу әдістемесіне/тиісті циклге байланысты). Бұл қалада электр режимін пайдалануға, сонымен бірге ұзақ сапарлар үшін үлкен жүріс қорын сақтауға мүмкіндік береді.
Модельдің негізінде Super Hybrid System (SHS) гибридті жүйесі жатыр. Ол қуаты 143 а. к. 1,5 литрлік турбоқозғалтқышты, электр моторын және 1DHT трансмиссиясын біріктіреді. Жиынтық қуат 347 а. к., ең жоғары айналу сәті 525 Н·м құрайды. Жүйе қозғалыс жағдайларына байланысты бензин қозғалтқышы мен электр моторының жұмысын автоматты түрде басқарады.
AMMKZ зауытында модельдерді өндіру. Фото: Astana Motors
J7 PHEV қорғаныс дәрежесі IP68 болатын сыйымдылығы 18,3 кВт·сағ литий-темір-фосфатты батареямен жабдықталған. Оның жай-күйін негізгі жұмыс параметрлерін бақылай отырып, Guardian BMS жүйесі үнемі қадағалап отырады. Жылдам зарядтау шамамен 20 минутта энергия қорын 30-дан 80%-ға дейін толтыруға мүмкіндік береді. Автокөлікті қарапайым 220–230 В тұрмыстық желісінен де зарядтауға болады.
JAECOO J7 PHEV 2025 жылғы сынақтардың нәтижелері бойынша максималды бес Euro NCAP жұлдызын алды.
Батареяға берілетін кепілдік қайсысы бұрын болатынына байланысты 8 жылды немесе 160 мың км жүрісті құрайды.
